Family and Domestic Violence Policy - Karen

ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤနၢၤမၤဃၣ် သနူ

ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤနၢၤမၤဃၣ်န့ၣ် အိၣ်ဒီး တၢ်ဒိဘၣ်နးနးကျံးကျံးလၢ ပှၤတဖၣ်အတၢ်အိၣ်မူအပူၤ, ဒီး ပှၤခဲလၢာ်န့ၣ် ကြၢးလၢကဒိးန့ၢ်ဘၣ် တၢ်ဘၣ်ထွဲလိာ်သးလၢ အပှဲၤဒီးတၢ်ဘံၣ်တၢ်ဘၢဒီး တၢ်ယူးယီၣ်ပာ်ကဲန့ၣ်လီၤ.

ပတၢ်အၢၣ်လီၤလၢကဟ့ၣ်လီၤသး

ဖဲ Greater Western Water ပဆီၣ်ထွဲမၤစၢၤ ပှၤပှ့ၤစူးကါတၢ်ဖိခဲလၢာ်လၢ အဘၣ်ဒိဘၣ်ထံး ခီဖျိ အဟံၣ်ဖိဃီဖိ ဒီး ဟံၣ်ပူၤဃီပူၤ တၢ်မၤဆူၣ်မၤနၢၤန့ၣ်လီၤ. ပသ့ၣ်ညါနၢ်ပၢၢ်လၢ ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤဆူၣ်မၤနၢၤန့ၣ် အိၣ်ဝဲလၢက့ၢ်ဂီၤ အကလုာ်ကလုာ်ဒီး ပှၤတနီၤန့ၣ် ဘၣ်ဒိဘၣ်ထံးညီဝဲအါလၢ ဟံၣ်ဖိဃီဖိ တၢ်မၤဆူၣ်မၤနၢၤအပူၤ အဒိဒ်သိး ဖိဒံဖိသၣ်တဖၣ်, ပိာ်မုၣ်တဖၣ်, ပှၤတဖၣ်လၢအိၣ်ဒီးနီၢ်ခိက့ၢ်ဂီၤတဆူၣ်တကျၢၤတဖၣ်, အီးစထြ့လယၢၣ်အပှၤထူလံၤဖိတဖၣ်လၢ အိၣ်ဆိးလၢ ကီၢ်မိၢ်ပှၢ်မ့ၢ်ဂ့ၤ ကီးပူၤမ့ၢ်ဂ့ၤတဖၣ်, ပှၤတဖၣ်လၢ အိၣ်ဒီး တၢ်ဆဲးတၢ်လၤဒီး ကျိာ်ကျာ်တၢ်လီၤဆီတဖၣ်, ပှၤသူၣ်က့သးပှၢ်တဖၣ် ဒီး ပှၤတဖၣ်လၢ အပာ်ဖျါထီၣ်သးဒ်  LGBTQIA+ တဖၣ်န့ၣ်လီၤ.

ပမၤစၢၤတၢ်သ့ဒ်လဲၣ်

နမ့ၢ်ဘၣ်ကွၢ်ဆၢၣ်မဲာ် ဟံၣ်ဖိဃီဖိ မ့တမ့ၢ် ဟံၣ်ပူၤဃီပူၤ တၢ်မၤနၢၤမၤဃၣ်န့ၣ်, ပက-

• ဟ့ၣ်နၤ တၢ်မၤစၢၤဆီၣ်ထွဲ လၢဘၣ်တၢ်မၤလီၤဆီအီၤလၢနဂီၢ် ခီဖျိ ပပှၤတဝၢဒီး တၢ်ကွၢ်ထွဲ အကရူၢ်.
• ပၢၤဃာ်နတၢ်ဂ့ၢ်တၢ်ကျိၤ လၢတၢ်ခူသူၣ်အပူၤ.
• မၤစၢၤနၤလၢ နကပၢဆှၢရဲၣ်ကျဲၤ နစ့စရီ လၢတၢ်ဘံၣ်တၢ်ဘၢအပူၤ, လီၤဆီဒၣ်တၢ် မ့မ့ၢ် စ့စရီသဃဲၤတခါ.
• မၤသကိးတၢ်ဒီးနၤ လၢကဟံးထီၣ်ဖီၣ်ထီၣ် တၢ်ဟ့ၣ်ဘူးလဲ အတၢ်ကီတၢ်ခဲ တမံၤလၢ်လၢ်အဂီၢ်.
• ဒီသဒၢနနီၢ်ကစၢ် တၢ်ဂ့ၢ်လီၤတံၢ်တဖၣ် လၢပှၤအဂၤတဖၣ်လၢ ဘၣ်သ့ၣ်သ့ၣ် ကကျဲးစၢးနုာ်ကွၢ်ဒိးန့ၢ်အီၤ.
• ဘျးစဲန့ၢ်နၤဒီး တၢ်ဆီၣ်ထွဲမၤစၢၤ အတၢ်မၤအဂၤတဖၣ် ဖဲလၢနလိၣ်ဘၣ်အီၤအခါ.
• ဟ့ၣ်နၤ နီၣ်ဂံၢ်လိၤလိၤဒီး အံမ့(လ)တၢ်ဆဲးကျၢတဖၣ် ဒ်သိး နတတဲဘၣ် နတၢ်လဲၤခီဖျိအဂ့ၢ် တဘျီဝံၤတဘျီ အဂီၢ်န့ၣ်လီၤ.

ကျိၣ်စ့ဂ့ၢ်ဝီၤ တၢ်ဆီၣ်ထွဲမၤစၢၤန့ၣ် တၢ်ဒိးန့ၢ်အီၤသ့လီၤ

ယသ့ၣ်ညါဒီးတူၢ်လိာ်လၢ ဟံၣ်ဖိဃီဖိ တၢ်မၤနၢၤမၤဃၣ်န့ၣ် ဒုးအိၣ်ထီၣ် တၢ်ဟ့ၣ်ဘူးလဲ အတၢ်ကီတၢ်ခဲန့ၣ်လီၤ. ပမၤစၢၤနၤသ့ ဘၣ်ဃးဒီး-

• တၢ်ပၢဆှၢရဲၣ်ကျဲၤ တၢ်ဟ့ၣ်ဘူးလဲလၢ တၢ်ဆီတလဲမၤဘၣ်လိာ်ညီ
• ပဒိၣ်အတၢ်ဟ့ၣ်မၤစၢၤဒီး တၢ်ဟ့ၣ်တၢ်အခွဲးလၢကမၤတၢ်တဖၣ်.
• တၢ်ဃုထၢတဖၣ်လၢ ကရဲၣ်ကျဲၤ မ့တမ့ၢ် မၤစှၤလီၤ ဒ့ၣ်ကမၣ် လၢ နထံအလဲအဖီခိၣ်.
• ကျိၤကျဲတဖၣ်လၢ ကမၤစှၤလီၤ နတၢ်စူးကါထံဒီး ကဒွဲစရီတဖၣ်.
• တၢ်ဒီသဒၢနၤလၢ တၢ်ထၢဖှိၣ်က့ၤ စ့ကဒွဲ မ့တမ့ၢ် တၢ်တြီဃာ်ပာ်ပနီၣ် တၢ်ဆီၣ်ထွဲမၤစၢၤတဖၣ်.

နတၢ်ဂ့ၢ်ခူသူၣ်ဒီး တၢ်ဘံၣ်တၢ်ဘၢ

ပဟံးဃာ် နတၢ်ဂ့ၢ်ခူသူၣ် သပှၢ်ပှၢ်န့ၣ်လီၤ. ဖဲနတဲဘၣ်ပှၤ ဘၣ်ဃးဒီး နဟံၣ်ဖိဃီဖိ တၢ်မၤနၢၤမၤဃၣ် အတၢ်အိၣ်သးအဂ့ၢ်တမံၤအခါ-

• ပပာ်လီၤ တၢ်ဘံၣ်တၢ်ဘၢ အနီၣ်ထိၣ်လီၤဆီတဖၣ် လၢနတၢ်ဂ့ၢ်အဖီခိၣ်န့ၣ်လီၤ.
• ထဲဒၣ်ပှၤမၤတၢ်ဖိတဖၣ်လၢ အိၣ်ဒီးတၢ်သ့တၢ်ဘၣ်လီၤဆီလၢ တၢ်မၤလိမၤဒိး ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤနၢၤမၤဃာ်န့ၣ် ကထံၣ်ဘၣ် နနီၢ်ကစၢ် တၢ်ဂ့ၢ်တၢ်ကျိၤန့ၣ်လီၤ.
• ပကအိၣ်ဒီးတၢ်ပလီၢ်ပဒီသး လၢတၢ်ဆဲးကျၢဆဲးကျိးနၤ အကျိၤအကျဲအပူၤန့ၣ်လီၤ.
• စ့စရီသဃဲၤတဖၣ်န့ၣ် ကဘၣ်တၢ်မၤအီၤလၢ တၢ်ပာ်သူၣ်ပာ်သးဖးဒိၣ်အပူၤ, ဒ်သိးကဒီသဒၢ နတၢ်ဂ့ၢ်ခူသူၣ်ဒီး နကအိၣ်ပှဲၤဒီး တၢ်ဘံၣ်တၢ်ဘၢအဂီၢ်န့ၣ်လီၤ.
• ပကဟ့ၣ်နၤ တၢ်ဆှၢခီတဖၣ်ဆူ ပှၤအိၣ်ဒီးတၢ်သ့တၢ်ဘၣ်လီၤဆီလၢ ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤနၢၤမၤဃၣ် အတၢ်မၤအပူၤ လၢအကြၢးအဘၣ် အအိၣ်န့ၣ်လီၤ.

ဒိးန့ၢ် တၢ်မၤစၢၤ

နဒိးန့ၢ်တၢ်ဆီၣ်ထွဲမၤစၢၤသ့ ခီဖျိ-

• ကိးပှၤ လၢကစံးကတိၤတၢ်ဒီး ပ ပှၤတဝၢဒီး တၢ်ကွၢ်ထွဲအကရူၢ်
• တဲဘၣ် တၢ်ဆီၣ်ထွဲမၤစၢၤ အပှၤမၤတၢ်ဖိ မ့တမ့ၢ် ကျိၣ်စ့ဂ့ၢ်ဝီ ပှၤဟ့ၣ်ကူၣ်တၢ်လၢ ကဆဲးကျိးပှၤလၢနခၢၣ်စး
• နုာ်ကွၢ် ပပှာ်ယဲၤသန့ လၢတၢ်ဂ့ၢ်တၢ်ကျိၤ ဘၣ်ဃးဒီး တၢ်ဆီၣ်ထွဲမၤစၢၤ အတၢ်မၤတဖၣ်အဂီၢ်

ဆဲးကျိးပှၤ

နမ့ၢ်လိၣ်ဘၣ်တၢ်မၤစၢၤ နမၤတၢ်အံၤသ့-

• ကိးပှၤဖဲ 13 44 99 ဒီး ဃုထၢ တၢ်မၤဆူၣ်မၤနၢၤ ဟံၣ်ဖိဃီဖိ (family violence ) အမံၤခိၣ်တီ တၢ်ဃုထၢလၢ တၢ်ဆီၣ်ထွဲမၤစၢၤလၢ ဘၣ်တၢ်ပာ်ပညိၣ်လီၤဆီဒိၣ် အဂီၢ်တက့ၢ်.
• နုာ်ကွၢ် ပပှာ်ယဲၤသန့ gww.com.au

ပအိၣ်ဖဲအံၤလၢ ကဆီၣ်ထွဲမၤစၢၤနၤဒီး ကဟံးထီၣ်ဖီၣ်ထီၣ် နတၢ်အိၣ်သး လၢတၢ်ပလီၢ်သူၣ်ပလီၢ်သး, တၢ်ယူးယီၣ်ပာ်ကဲဒီး တၢ်ခူသူၣ်အပူၤန့ၣ်လီၤ.

တၢ်အံၤမ့ၢ်ဝဲဒၣ် လံာ်အဘ့ၣ်လၢဘၣ်တၢ်မၤညီအီၤ လၢအဘၣ်ဃးဒီး ပသနူအလၢအပှဲၤန့ၣ်လီၤ. လၢပသနူအလၢအပှဲၤ အလံာ်အဂီၢ်, နုာ်ကွၢ် gww.com.au

ဟံၣ်ဖိဃီဖိဒီး ဟံၣ်ပူၤဃီပူၤ တၢ်မၤနၢၤမၤဃၣ် သနူ