Sungkua le innsung buainak in minung nunnak ah siatnak nasa zet a thlen thei ih, zo khal in a him mi le tihzahnak thawn pehtlaih awknak kan phu a si.
Kan Thutiam
Greater Western Water ah sungkua le innsung buainak tuar in dawrtu zaten kan bawm theh. Sungkua le innsung buainak thu ah phun tam zet a um ti kan thei thiam, hrekkhat cu nauhak, nunau, rualbanlo pawl, Aboriginal and Torres Strait Islander pawl, nunphung le tong bangaw lo, kum upa le LGBTQIA+ ti aw pawl in sungkua buainak an tuar tam ce ti khal kan thei thiam.
Ziangtin kan lo bawm thei ding
Sungkua asilole innsung buainak na tuar a si ahcun, kan lo tuah sak ding:
Kan Pawlkom le Tuamhlawmnak bur in bulpak bawmnak kan lo pe ding.
Na thuhla cu bulpak zet le suak lo dingin kan kil ding.
Na accoung himten kan lo tuah sak ding, ahleice in account hmang kop a si ahcun.
Tangaka pek harsatnak pohpoh hrangah kutkai in kan tuan tlang ding.
Na sinak thuhla zoh tumtu pawl lak ihsin kan lo hum ding.
Na tul caan ah bawmnak dang thawn kan lo pehtlaih ding.
Biak cih theih nambat le email kan lo pe dingih, cutin na thuhla sim bet rero a tul nawn lo ding.
Sumpai bawmnak a ngah
Sungkua buainak in tangka pek dingah harsatnak a thlen ti kan theih pi. Hi pawl in kan lo bawm thei:
A awm mawi tei pek thei dan.
Cozah bawmnak le tul mi.
Na tidai man leiba thum asilole tuahrem hril thei nak.
Na tidai hman dan le a man thum dan lamzin.
Leiba dil asilole bawmnak bikhiahnak pawl ihsin kilhim.
Na sinak le himnak
Na thuthup kan ngai thupi tuk. Na sungkua buainak dinhmun in sim tikah:
Na account ah bikhiah kilvennak hleice kan ret ding.
Sungkua le innsung buainak thuhla zirnak kai hnatuantu pawl in na sungthu an hmu thei ding.
Nangmah kan lo pehtlaih dan thu ah kan fimkhur zet ding.
Account hmang kop mi cu a hleice ih kilkhawi ding a si, na himnak le na thuthup kilhimnak hrang ah.
A tha mi sungkua buainak thuhla thiam hleice kan lo khihhmuh ding.
Bawmnak ngah
Hi tawk in bawmnak na ngah thei:
Kan Pawlkom le Tuamhlawmnak Bur thawn thurel dingah in ko
Na aiawh ih in pehtlaih dingah bawmtu asilole sumpai thuron petu na nei
Bawmnak pek dan thuhla hrangah kan website na leng
In pehtlaih aw
Bawmnak na tul le hi pawl na tuah thei:
13 44 99 ah in ko awla bawmnak thupi hrangah sungkua buainak hril ding hril aw.
kan website gww.com.au ah leng aw
Na dinhmun cu ngaihsak zet, upat zet le a thup te ih lo tawlrel sak ih lo bawm dingah hinah kan um.
Himi kan thu fehpi dan kimcang theihthiam awl ih tuah mi a si. Kan thu fehpi dan kimcang hrangah, visit gww.com.au
