Family and Domestic Violence Policy - Burmese

မိသားစုနှင့် အိမ်တွင်း အကြမ်းဖက်မှုဆိုင်ရာ မူဝါဒ

မိသားစုနှင့် အိမ်တွင်းအကြမ်းဖက်မှုသည် လူတို့၏ ဘဝများအပေါ် ပြင်းထန်သော သက်ရောက်မှုများရှိပြီး လူတိုင်းသည် ဘေးကင်းပြီး လေးစားမှုရှိသည့် ဆက်ဆံရေးများကို ရရှိရန် ထိုက်တန်ပါသည်။

ကျွန်ုပ်တို့၏ ကတိကဝတ်

Greater Western Water တွင် ကျွန်ုပ်တို့သည် မိသားစုနှင့် အိမ်တွင်းအကြမ်းဖက်မှုကို ခံစားနေရသော ဖောက်သည်အားလုံးကို ကူညီပံ့ပိုးပေးပါသည်။ မိသားစုနှင့် အိမ်တွင်းအကြမ်းဖက်မှုသည် ပုံစံအမျိုးမျိုးဖြင့် ဖြစ်ပွားနိုင်ပြီး ကလေးများ၊ အမျိုးသမီးများ၊ မသန်စွမ်းသူများ၊ ဩစတြေးလျ ရှေးတိုင်းရင်းသားလူမျိုးများနှင့် တောရက်စ် ရေလက်ကြား ကျွန်းသူကျွန်းသားများ၊ ယဉ်ကျေးမှုနှင့် ဘာသာစကားကွဲပြားသော နောက်ခံရှိသူများ၊ သက်ကြီးရွယ်အိုများနှင့် LGBTQIA+ အဖြစ် သတ်မှတ်ထားသောသူများကဲ့သို့ အချို့သူများသည် မိသားစုအကြမ်းဖက်မှုဒဏ်ကို ပို၍ထိခိုက်ခံစားရလေ့ရှိကြောင်း ကျွန်ုပ်တို့ သိရှိနားလည်ထားသည်။

ကျွန်ုပ်တို့ မည်သို့ကူညီပေးနိုင်သနည်း

သင်သည် မိသားစု သို့မဟုတ် အိမ်တွင်းအကြမ်းဖက်မှုကို ကြုံတွေ့နေရပါက ကျွန်ုပ်တို့အနေဖြင့်-

• ကျွန်ုပ်တို့၏ လူမှုအသိုင်းအဝိုင်းနှင့် စောင့်ရှောက်ရေးအဖွဲ့မှတစ်ဆင့် တစ်ဦးချင်းနှင့်ကိုက်ညီသော ကူညီပံ့ပိုးမှု ပေးအပ်ပါမည်။
• သင်၏အချက်အလက်များအား သိုသိုသိပ်သိပ်နှင့် လျှို့ဝှက်စွာ ထိန်းသိမ်းထားပါမည်။
• အထူးသဖြင့် ပူးတွဲအကောင့်ဖြစ်ပါက သင့်အကောင့်အား ဘေးကင်းစွာစီမံခန့်ခွဲနိုင်ရန် ကူညီပေးပါမည်။
• မည်သည့်ငွေပေးချေမှုအခက်အခဲများကိုမဆို သင်နှင့်အတူပူးပေါင်းဖြေရှင်းပေးပါမည်။
• သင့်ကိုယ်ရေးအချက်အလက်များအား ရယူရန် ကြိုးပမ်းနိုင်ဖွယ်ရှိသူများထံမှ ၎င်းတို့အား ကာကွယ်ပေးပါမည်။
• အခြားသော အကူအညီ ဝန်ဆောင်မှုများအား လိုအပ်ချိန်တွင် သင်နှင့်ချိတ်ဆက်ပေးပါမည်။
• သင့်အနေဖြင့် အကြောင်းအရာအား ထပ်ကာထပ်ကာ ပြန်ပြောရခြင်း မရှိစေရန် တိုက်ရိုက်ဆက်သွယ်နိုင်မည့် ဖုန်းနံပါတ်နှင့် အီးမေးလ်တစ်ခု ပေးထားပါမည်။

ငွေကြေးအကူအညီရရှိနိုင်ပါသည်

မိသားစုအကြမ်းဖက်မှုကြောင့် ငွေပေးချေရန် အခက်အခဲဖြစ်ပေါ်နိုင်ကြောင်း ကျွန်ုပ်တို့နားလည်ပါသည်။ ကျွန်ုပ်တို့အနေဖြင့် သင့်အား အောက်ပါတို့တွင် ကူညီပေးနိုင်ပါသည်-

• လိုက်လျောညီထွေရှိသော ငွေပေးချေမှုအစီအစဉ်များ။
• အစိုးရထောက်ပံ့ငွေများနှင့် ဈေးလျှော့ပေးမှုများ။
• သင်၏ ရေဖိုးကျသင့်ငွေအကြွေးအား စီမံရန် သို့မဟုတ် လျှော့ချရန် ရွေးချယ်စရာများ။
• သင်၏ ရေသုံးစွဲမှုနှင့် ကျသင့်ငွေကို လျှော့ချရန် နည်းလမ်းများ။
• အကြွေးတောင်းခံမှု သို့မဟုတ် ရေထောက်ပံ့မှု ကန့်သတ်ချက်များ မကြုံရအောင် ကာကွယ်ပေးခြင်း။

သင်၏ ကိုယ်ရေးလုံခြုံမှုနှင့် ဘေးကင်းရေး

ကျွန်ုပ်တို့အနေဖြင့် သင့်ကိုယ်ရေးလုံခြုံမှုကို အလွန်အလေးထားပါသည်။ သင့်အနေဖြင့် ကျွန်ုပ်တို့အား မိသားစုအကြမ်းဖက်မှုအခြေအနေကို ပြောပြပါက-

• ကျွန်ုပ်တို့သည် သင့်အကောင့်တွင် အထူးလုံခြုံရေးစနစ်များ ထည့်သွင်းပေးပါမည်။
• မိသားစုနှင့် အိမ်တွင်းအကြမ်းဖက်မှု ကိစ္စရပ်များကို ကိုင်တွယ်ရန် အထူးလေ့ကျင့်ထားသော ဝန်ထမ်းများကသာ သင့်ကိုယ်ရေးအချက်အလက်များကို ကြည့်နိုင်မည်ဖြစ်ပါသည်။
• ကျွန်ုပ်တို့အနေဖြင့် သင့်အားဆက်သွယ်ပုံနှင့်ပတ်သက်၍ ဂရုစိုက်ပါမည်။
• သင့်ကိုယ်ရေးလုံခြုံမှုအား ကာကွယ်ရန်နှင့် သင့်ဘေးကင်းမှုကို ထိန်းသိမ်းရန် ပူးတွဲအကောင့်များကို အထူးဂရုစိုက်ကိုင်တွယ်ပါမည်။
• ကျွန်ုပ်တို့အနေဖြင့် မိသားစုအကြမ်းဖက်မှုကိစ္စရပ်များကို ကိုင်တွယ်ဖြေရှင်းပေးသည့် သင့်လျော်သော အထူးကျွမ်းကျင်သူ ဝန်ဆောင်မှုများထံ လမ်းညွှန်လွှဲပြောင်းပေးပါမည်။

အကူအညီရယူခြင်း

သင့်အနေဖြင့်အောက်ပါနည်းလမ်းများဖြင့် အကူအညီ ရယူနိုင်ပါသည်-

• ကျွန်ုပ်တို့၏ လူမှုအသိုင်းအဝိုင်းနှင့် စောင့်ရှောက်ရေးအဖွဲ့နှင့် ဆက်သွယ်ပြောဆိုရန် ကျွန်ုပ်တို့အား ဖုန်းခေါ်ဆိုခြင်း
• သင့်ကိုယ်စား ကူညီပံ့ပိုးရေးဝန်ထမ်း သို့မဟုတ် ငွေကြေးဆိုင်ရာအကြံပေးသူအား ကျွန်ုပ်တို့ကို ဆက်သွယ်ခိုင်းခြင်း
• အကူအညီ ဝန်ဆောင်မှုများနှင့်ပတ်သက်သည့် အချက်အလက်များကို ကျွန်ုပ်တို့၏ဝက်ဘ်ဆိုက်တွင် ဝင်ရောက်ကြည့်ရှုခြင်း

ကျွန်ုပ်တို့ထံဆက်သွယ်ပါ

အကူအညီလိုအပ်ပါက သင့်အနေဖြင့်-

• 13 44 99 သို့ ခေါ်ဆို၍ ဦးစားပေး အကူအညီအတွက် မိသားစု အကြမ်းဖက်မှုဆိုင်ရာ မီနူးကို ရွေးချယ်နိုင်ပါသည်
• ကျွန်ုပ်တို့၏ ဝက်ဘ်ဆိုက် gww.com.au သို့ ဝင်ရောက်ကြည့်ရှုနိုင်ပါသည်

ကျွန်ုပ်တို့အနေဖြင့် သင့်ကို အကူအညီပေးပြီး သင့်အခြေအနေအား အလေးထားဂရုစိုက်မှု၊ လေးစားမှုနှင့် လျှို့ဝှက်ထားရှိမှုတို့ဖြင့် ကိုင်တွယ်ဖြေရှင်းပေးရန် အဆင်သင့်ရှိနေပါသည်။

ဤသည်မှာ ကျွန်ုပ်တို့၏ မူဝါဒအပြည့်အစုံအား လွယ်ကူရှင်းလင်းအောင် ပြုလုပ်ထားသော ဗားရှင်းဖြစ်ပါသည်။ ကျွန်ုပ်တို့မူဝါဒ၏ ဗားရှင်းအပြည့်အစုံကို gww.com.au တွင် ဝင်ရောက်ကြည့်ရှုပါ

မိသားစုနှင့် အိမ်တွင်း အကြမ်းဖက်မှုဆိုင်ရာ မူဝါဒ